الحياة الطيبة

#ألعاب_نفسية.. لعبة (اتغير.. بس خليك زى ما انت..).. خلال الفترة اللى فاتت لاحظت ملاحظة غريبة جدا.. بيجيلى واحدة بتشتكى مر الشكوى من جوزها: بيعاملنى وحش.. مش بيحترمنى.. مش بيحس بيا.. قاسى.. أنانى.. متسلط.. مسيطر.. وساعات (بيخونّى) أو (بيعرف واحدة عليا).. باطلب منها تخلى جوزها يجيلى.. وباكون عارف إن ده صعب جداً وأحياناً مستحيل.. لكن فى الحقيقة بعضهم بيجي فعلاً.. وبينى وبينكم.. مش بيكون جاى جدعنة ولا شهامة.. بيكون فى معظم الأحيان جاى علشان يثبت إنه صح.. أو يفشل قصة العلاج دى من أصله.. أو جاى تحت الضغط من مراته أو أهلها والتهديد بالانفصال.. المهم.. باسمع الزوج وباكون باغلى من جوايا زى البركان المكتوم بالظبط: بص يا دكتور.. مش بتسمع كلامى.. بتجادلنى.. بتعاملنى بندية.. بتعلى صوتها عليا.. مش بتحترم إن أنا الراجل وهى الست.. عاوزة نبقى راس براس.. فين القوامة؟ أنا القائد.. أنا صح.. أنا صح (بصوت حسن شحاتة فى فيلم طير انت).. باكون شايف قدامى طفل صغير عاوز يثبت لنفسه إنه إله أو نصف إليه يأمر فيطاع.. ومش من حق حد يجادله.. أو يشاركه.. أو حتى يرد عليه.. بامسك أعصابى.. وأحط شرايينى فى...

بداية مع التسليم بالأسباب الجينية والبيئية والاستعداد الوراثى وغيرها من العوامل اللى ممكن تسبب أمراض نفسية أو جسمانية، فحضرتك علاقتك بجسمك محتاجة إعادة نظر.. إحنا طول الوقت فى حوار مع جسمنا حتى لو ماخدناش بالنا من ده.. فيه رسايل بنوصلها لجسمنا، وفيه رسايل وردود بيوصلها جسمنا لينا.. فيه لجسمنا لغة.. وتاريخ.. ومعانى.. تصورى لما جسمك (كأنثى بشكل خاص) يوصله منك إن فى فترة كبيرة من حياتك إنك كنتى بتهمليه ومش مهتمة بيه فى مقابل المنافسة والمذاكرة والمثالية وغيرها.. تصورى لما يوصله بكل بساطة إن وجوده مش مهم، والاهتمام بيه مؤجل.. وإنه حتى فى بعض الأحيان -بالنسبة لك- مش موجود أصلاً.. عارفة لو طفل صغير حسستيه إنه مش مهم وانه مش موجود هايعمل إيه؟ هايكسر ويخبط ويصرخ ويخرب الدنيا علشان مجرد يحسسك إنه موجود.. جسمك كان بيصرخ ويقولك أنا موجود.. بيقولهالك بصوت عالى فى صورة وزن زائد.. بيقولك (أنا موجود).. (أنا ليا وزن وقيمة).. أنا مش هاسمحلك تتخلى عنى.. طيب.. بعد ما حاول يوصلك الرسايل دى، حضرتك كنتى بتعملى إيه بقى؟ كنتى بتقبليه؟ كنتى بتقبلى جسمك كما هو؟ كنتى بتسمعيه؟ كنتى بتحاولى تعملى معاه ...

تقول (لويس هاي) (Louis Hay) في كتابها (تستطيع شفاء حياتك) (You Can Heal Your Life) : إن هناك علاقه مباشرة ما بين الأمراض الجسدية و بين الأمراض النفسية ، وأن معاناة نفسية بسيطة ، مثل الإحباط أو الضغوط يمكن أن تكون قاتلة فسيولوجياً ، مثل : 1 - ألم في الأذن : رفض قبول النصائح ، خلافات مع قريبين . 2 - أرق : عدم الرضى عن إنجازات النفس ، الإحباط. 3 - إسهال : رغبة بالتخلص من الماضي . 4 - أكزيما : تأنيب النفس ولومها وتحميلها فوق طاقتها . 5 - أكياس دهن أو شعر : تشعر بأنك غير مسيطر على حياتك ، وأن الظروف تقودك نحو المجهول. 6 - إنفلونزا أو إحتقان : مشاكل أسرية أو في العمل ، لا يفيد معها الحوار. 7 - الشد العضلي والتصلب وآلام العظام : الشعور بعدم القدرة على تحمل قسوة الظروف. 8 - إلتهاب المفاصل : الشعور بحاجة للحب والتعاطف. 9 - إمساك : رفض لأي تغيير ، الإنحصار بالماضي وبما هو معروف ومألوف . 10 - إلتهاب الأمعاء والقرحة ومشاكل المعدة : الشعور بعدم إمكانية تلبية مطالب الآخرين ، والقيام بواجباتك . 11 - أنف (سيلان) : حزن وبكاء داخلي . 12 - أنف (إنسداد) : عدم ادراك القيمه ا...