الحياة الطيبة

(( الجزء الأول )) تفتكري يا جيسي ايه اكتر حاجه “محتجاها” البنت من شريك حياتها؟ سألت السؤال ده لجيسي واحنا في العربيه مروحين للبيت وصوفيا نايمه ورا من كتر تعب تنطيط اليوم جيسي : اكتر حاجه محتجاها الزوجه من الواحدة …. مممممم الموضوع عاوز تفكير شويه ادهم : خدي وقتك . قدامك ٣٠ ثانيه جيسي : ههههه يا سلام . طيب يا سيدي بص . الموضوع عند البنات مختلف يعني الموضوع مش مجرد احتياج ادهم : اومال ايه؟ جيسي : هتستغرب لو قولتلك انه توقع ادهم : توقع ؟ يعني ايه توقع ؟ جيسي : يعني الانثى بشكل عام تركيبها الجسدي والنفسي اللي ربنا خلقه بيها بيكون متوقع حاجه معينه من الراجل اللي معاها ادهم : وهي متوقعه ايه بقا ان شاء الله ؟ جيسي : الأمان ادهم : الأمان ؟ جيسي : اه . الأمان . انها تحس بالأمان مع الراجل اللي هيا معاه ادهم : ممممم يعني تقصدي ان انها تحس انها متأمنه يعني جيسي : يعني ايه متأمنه ؟ ادهم : يعني عندها شقه بإسمها . حساب في البنك . مؤخر صداق كبير . عربيه . كدا يعني جيسي : تؤ . لأ خالص . مش ده قصدي ادهم : اومال امان ايه اللي بتتكلمي عليه ؟ جيسي : الأمان يع...

لكل أم و أب.. ارجوكوا مش كل ما اولادكوا يطلبوا حاجه..تعملوها في ثانيتها.. هي مش أوامر عسكريه.. اي طفل لازم يتعود يسمع جملة " .. مش هينفع دلوقتي" او " ..مش هنقدر نجيب اللعبه دي لأنها غاليه جدا ".... ممكن نجيب حاجة في حدود مبلغ كذا..و خليهم يختاروا و ياخدوا قرار... مفيش حاجة اسمها ما نقدرش نقوله لأ على حاجة!! لأ..لمصلحتوا تقدروا.. عودوا الطفل ان في حاجات فوق طاقتكوا و فهموه و اشرحوله سبب اللأ ايه..و حطوله بدايل ترضيكوا و ترضيه.. عارفين لو مشيتوا في سكة تلبيه اي طلب لولادكوا تحت اي ظرف..هيبقوا مش بيحسوا باللي حواليهم..هيطلعوا فاكرين ان محدش ينفع يقولهم لأ.. كل الناس المفروض تسخر نفسها لتلبية طلباتهم.. هيطلع زوج متعب جداااااا صعب الارضاء او مستحيل الارضاء..شايف مراته دايما مقصره لو مش قادره تعمله حاجه عشان فوق طاقتها..مش هيقتنع لو الحاجة ما جاتلوش تحت رجله..ما هو اتعود على كده.. او هتطلع البنت مدلله جدااااا...جوزها فاحت نفسه عشان يلاحق على طلباتها اللي مش بتخلص لحد ما يزهق و يتخنق منها..و في الآخر مش هيعجبها برضه..و لو مرضيش ي...

ابنك لو شافك داخل من باب الشقه وما سابش اللي في ايده عشان يجري عليك و يعملك فرح...و يقول بابا جه بابا جه.... او حتى مش ملاحظ وجودك من عدمه و ما فرقش معاه يقولك ازيك يا بابا و كمل لعبه عادي.. يبقي في حاجه مش مظبوطه في علاقتكوا كأب و ابن.. لازم تراجع اوراقك..ما تطنش.. دورك في حياه ولادك عمره ما كان مادي و بس.. طبعا الحياه صعبه و طلبات عيلتك مش بتخلص و ربنا يعينك.. بس ما ينفعش كل علاقتك بابنك تكون من خلال مامته.. من خلال سؤال في التليفون.. هما كويسين؟؟ هما كلوا؟ محتاجين حاجه؟ هو نجح؟ هتتفاجئ باخبارهم زي الغريب بمرور الوقت.. لازم يكون في عالم خاص بيك انت وولادك..مفيهوش حد غيركوا.. جربت مره تاخد ابنك في حضنك و هو بيعيط و تهديه لحد ما ينام....احساسك انه ارتاح و هدي معاك هيقربكوا من بعض اكتر.. بدل ما تشتكي من زنه و تسيب الاوضه و تمشي العب معاه..حايله...ده ابنك زي ما هو ابنها.. افتكر و انت صغير كان نفسك باباك يلعب معاك ازاي وقت اطول و اعمل ده مع ابنك..هاتله كوره و العبوا سوا و خليه يجيب فيك جوون و يفرح و يقلدك.. هتشوف نفسك جواه..هتشوفك و انت صغير.. جرب و...

انت بتضربه عشان هو ضعيف صح؟ عشان هيخاف منك و مش هيقدر يضربك..صح؟ عشان لو دافع عن نفسه هتديله علقة فوق العلقة اللي بتديهاله.. بتضربه عشان هو الوحيد اللي تقدر تطلع فيه ضغطك و توترك..مش كده؟ بتزعقله طول اليوم عشان يومك بره كان وحش؟ عشان مضغوط و عندك تاسكات و مش فايق؟  عشان مراتك مزهقاك في حاجة فا مش طايقين بعض فا واقف لولادك على الواحدة؟ لما تبقى عندكوا مشاكل في الشغل او علاقتكوا الزوجية متوترة حرام تطلعوا غلبكوا في ولادكوا.. مش قادرين تمسكوا اعصابكوا للدرجة دي؟ مع انكوا بتستحملوا غلاسة مدير و تباتة موظف و زن عميل و رغي زميلتك... لكن تيجي عند ابنك و ترنه العلقة المحترمة لو عمل غلطة هو مش فاهم ايه الغلط فيها..لأنك عمرك ما فهمته.. و انتي العصاية مش بتفارقك و الشبشب و اي انواع عقاب و طول اليوم بتبرقي، حلو كده؟  كده انتي أم تمام يعني و مراعية ربنا في ولادك؟ ملكيش خلق لا تردي على اسئلتهم و لا تحكي حكاية و لا تسمعي حس و لا يبهدلوا الشقة...انتي بتهزري..صح؟ بتستقوي علي حتة منك؟ بتطلع غلك في ضناك؟ مش قادرين تعلموه الصح من الغلط الا بالضرب و ال...

بحترم اوي الناس اللي بتعرف تفصل... اللي مش بتمشي تخبط في كل الناس عشان مزاجها مش رايق.. اللي بتعرف مين اللي مزعلها و مين اللي ملوش ذنب.. مش ماشي بزعابيبه و مطرح ما تيجي تيجي.. مش عشان متخانقة مع جوزك تنكدي علي صحباتك واحدة واحدة و تعامليهم وحش.. مش عشان شديت مع مديرك تسود عيشة اللي حواليك.. مش عشان مشربتيش مج النسكافية بتاعك تطلعي زرابينك علي البشر.. الفصلان ده نوع عالي أوي من النضوج و الاحترام.. الانسان اللي بيفصل ده بيحترم نفسه لدرجة تفرض عليك تحترمه.. بيتحكم في اعصابه عشان ما يزعلش حد منه..و دي كفاية عشان ترفع ليه القبعة.. ما بياخدش ذنب حد بحد.. بيفكر... مش ضاربها صرمة و اللي يزعل يتفلق.. و حتي لو اتعصب شوية بيلم الليلة و بيعتذر.. محدش مجبر يستحمل حد.. و اللي بيستحملك بيكون محبة منه مش واجب عليه.. مستحملك جدعنة لكن ده مش حق مكتسب..فا تسوق فيها و تيجي عليه أكتر و أكتر.. ممكن اللي بتيجي عليه كل مرة ما يكونش في موود انه يستحمل عصبيتك و قلة ذوقك لأن هو كمان عنده ظروف.. في صداقات عمر بتضيع عشان اتنين ما عندهمش مبدأ الفصلان.. ...

في حاجتين موجودين ف معظم العلاقات و الناس بتتلخبط بينهم جامد اوي.. الغيرة و الثقة.. نمسك الثقة: لما خطيبك كل 3 دقايق و نص يسألك انتي فين و روحتي فين و هتيجي امتى و قابلتي مين و هل في شهود و لا لأ و يطلب منك أدلة جنائية و عينات DNA من المكان اللي كنتي فيه، دي ماسمهاش غيرة.. دي أسمها مش بيثق فيكي و متوقع انك بتكدبي عليه.. الراجل اللي من النوع ده بيعمل كده عشان احتمال من الاحتمالات التالية: -شايف ان انتي كتيرة عليه و انه مش مالي عينك و شاكك انك ممكن تقلبيه ف أي مومنت -عموما ثقته بنفسه مهزوزة شوية و محتاجة مسمارين يثبتوها -يعرف عنك ماضي أسود (لو كان ليكي ماضي أسود يعني)، و شاكك انك ممكن ف لحظة ضعف تحني إلى الماضي.. -من النوع اللي فاكر نفسه ناصح وعنده حساسية مزمنة للقرطسة.. أيوة في نوع من الناس كده.. حاسس إن كل الناس تتمنى تقرطسه و أنه حويط بقى و مش هيتقرطس.. و غالبا فعلا كل الناس بتقرطسه.. بس مش بيعمل دكر غير عليكي -هو أساسا بيعمل بلاوي و ضميره فارشله الملاية في اللاوعي، و عدم ثقته فيكي مجرد إسقاط على نفسه... صعبة شوية؟ نشرحها طيب.. أي حد ب...

الرجاله المتجوزين نوعين  النوع الأول بيخاف من نجاح زوجته  مش عاوزها تبقا احسن  بيخاف تتطور في شغلها او في ثقافتها او تعليمها  عاوز يحبسها في قمقم  بيكون دوره هو التسفيه من احلامها وطموحتها  وبيتفنن في احباطها و وضع كل المشاكل قدام عنيها  وبيكون اول واحد بيهد فيها الامل والتفاؤل في انها تكون شخص مفيد  النوع ده عاوز زوجته متعرضوش اساسا وياريت لو تبقا مش فاهمه حاجه  عشان يكون هو اللي فاهم كل حاجه  ودايماً شايف افكارها تافه وملهاش اي لازمه وعاوز شخصيتها ضعيفه ومحتجاله علطول في كل صغيره وكبيره  متعرفش تتصرف الا بيه ومتعملش حاجه مهما كانت صغيره الا بأذنه  النوع ده فاكر انه كدا راجل وانه كدا بيقود العلاقه  الحقيقه  ان النوع ده ضعيف .  مش واثق في نفسه .  اناني وغبي في نفس الوقت لان اللي بيعمله ده هيرتد عليه هو اول واحد  وهيكون هو ضحيه الشخصيه اللي صنعها  زوجه غير واثقه في نفسها  أم  بدون شخصيه  وقت الشده والازمات مش بتعرف تتصرف...