قول لأ !

لكل أم و أب..

ارجوكوا مش كل ما اولادكوا يطلبوا حاجه..تعملوها في ثانيتها..

هي مش أوامر عسكريه..

اي طفل لازم يتعود يسمع جملة " .. مش هينفع دلوقتي" او "

..مش هنقدر نجيب اللعبه دي لأنها غاليه جدا "....

ممكن نجيب حاجة في حدود مبلغ كذا..و خليهم يختاروا و ياخدوا قرار...

مفيش حاجة اسمها ما نقدرش نقوله لأ على حاجة!!

لأ..لمصلحتوا تقدروا..

عودوا الطفل ان في حاجات فوق طاقتكوا و فهموه و اشرحوله سبب اللأ ايه..و حطوله بدايل ترضيكوا و ترضيه..

عارفين لو مشيتوا في سكة تلبيه اي طلب لولادكوا تحت اي ظرف..هيبقوا مش بيحسوا باللي حواليهم..هيطلعوا فاكرين ان محدش ينفع يقولهم لأ..

كل الناس المفروض تسخر نفسها لتلبية طلباتهم..

هيطلع زوج متعب جداااااا صعب الارضاء او مستحيل الارضاء..شايف مراته دايما مقصره لو مش قادره تعمله حاجه عشان فوق طاقتها..مش هيقتنع لو الحاجة ما جاتلوش تحت رجله..ما هو اتعود على كده..

او هتطلع البنت مدلله جدااااا...جوزها فاحت نفسه عشان يلاحق على طلباتها اللي مش بتخلص لحد ما يزهق و يتخنق منها..و في الآخر مش هيعجبها برضه..و لو مرضيش يجيبلها جزمة و اللا شنطة غاليين عليه هتلوي بوزها و تتقمص.. و تخلي عيشته طين..

مش معني كلامي اننا نقول لأ على طول الخط..و لا حاضر على طول الخط..

اللي الاهل ما يقدروش عليه يعرفوا ولادهم انهم بيحبوه لكن دي حاجه صعبه عليهم و ان الحب ملوش علاقة بتلبية كل اللي يعوزوه..

كل أب و أم في ايدهم يطلعوا راجل بجد او طفل كبير مدلل بيقرف اللي حواليه..

انهم يطلعوا بنت تتحمل المسئولية او واحدة معتبرة الكون كله المفروض يكون تحت رجلها و لو حد قالها لأ تقوم الدنيا و متقعدهاش..

عمر ما كان الحب بيتقاس بماديات و ان طلباتهم و أحلامهم لازم تتنفذ حتى لو هتضرهم..الحب انهم يتعلموا يعيشوا صح مش يتحولوا لكائنات أنانية مش بتشوف غير نفسها و بس..

‫#‏اتعبوا_وربوا‬

‫#‏صدقوني_هتفرق‬

‫#‏كتر_الدلع_مفسدة‬

‪#‎Sarah_Elzahaby‬ ‫#‏شريك_الحياة‬ ‫#‏أدهم_و_جيسي‬